L'veuve (poésie)

Écrit par cartouche.

l'veuveavec eune racourche et eune gayette
un bout d'papier et des équettes
al rallume sin fourneau
pour récauffer s'vielle piau

Ch'père Noël (poésie)

Écrit par cartouche.

Ch'Père Noelquand ch'est l'momint ed' Noël
ché jones y n'tientent pus in plache
y rêv'tent ed' juets ed'poupées nouvielles
et cha les rind complètemint bénaches

 

z'éront biau dire et biau faire

Écrit par Raymond.

O z'avez armarqué qu'in ch'momint, "les médias" i sont fort discrets question foteballe à mon des Ch'tis?
Bin voyons, mes gins, o z'in connaichez grammint d'régions qui peuv'tent aligner 4 équipes in Première Division?
Nan, je n'vais pont n'armette eine couche, mais dijons qu'ch'est eine bon-ne réponse à tous cheux qui tapent à tour ed bras dsus not' région et à l'fameusse band'role du Parc des Princes.

Mes cats (poésie)

Écrit par cartouche.

mes catsmin père ch'étot un sot à biêtes
ch'est vrai qu'y les avot quère
mais c'qu'in dot arconaite
qui leur donnot ed'ché noms,misère

Ah, si min père..

Écrit par Raymond.

J'viens d'vir dsus ch'l'arnitoile ches salaires touchés par ches footeux français, j'vous in donne quèques-uns comme cha: Karim Benzema (OL) : 4,8 M€ par an, Claude Makelele (PSG) : 4,6 M , Juninho (OL) : 4,5 M€ , Cris (OL) : 4,2 M€ et j'm'arrête là, les suivants i n'arrifent mein-me pont à 4 M d'Euros, que misère !
I faut savoir qu'ches 18 meilleux salaires i sont païés par Lyon, Paris et Marseille.
N'cachez pont après Lille, Lens, Boulogne ou Calais, i font figure ed pauffes!
140_620_20090629102230_20474

Si min père i avot su, i érot jué au foteballe, au lieu de s'créver à l'fosse. Pinsez donc, i m'racontot qu'ein artard ch'étot d'l'amende, rapporter eine raccourche chétot misse à pied et toudis s'faire ingueuler par ch'calin, ch'porion ou ch'l'ingénieur!